ماتفركش في عينك كتير .. وقلب وانت ساكت .. ايوه كتاب من غير كلمات ... صفحاته أبيض من البياض .. طاهرة لسه مالوثهاش مداد.. واليك هذه التحذيرات :
1- الاقلام .. ممنوعة منعا باتا خوفا علي الكتاب من شخبطة العابثين
2-الشوز.. تتقلع بره قبل ماتدخل علشان القاعدة هنا ارضي
3- ايدك .. اوعى تمدها علي الديزاين ده لسه مانشفش
ايووووه كدا شاطرررررر قاعد في الارض مربع ايدك ورجليك وخالى من اي اقلام حبرية
أهلا وسهلا و يا مليووووون مرحبــــــاااا
الاشتراك في:
تعليقات الرسالة (Atom)
Moustafa` يقول...
السلام عليكم
انتى كده بتخمى على فكره
الكتاب اللى قريته زمان بتاع شهريار وحواديت شهرزاد كان فى صفحات كتير
مليانه بمداد أسود ..حبر قاتم مغطى على حياتنا
ستاره سودا جوا قلوبنا
نظاره سودا مغطيه عونينا
فى حبر.. فيه روح ..فيه حياه
***
إنتى نور
انتى بياض
صفحه بيضه من غير قرار
عمرك تعرفى تاكلى لمون من غير مراره
مايبقاش له طعم
هيا الحياه كده من غير حزن مالهاش معنى
الإبداع بيولد من رحم المعاناه
ومن بيخرج للدنيا من مخاض الألم
اه ..صحيح فى أمل
بس وهمى ... وساعات كتير بيبقى فى شق الألم.. يعنى مجرد تكت فى بضاعه معروفه انها سودا فى وسط بحور من السواد مغروسه
عارف انى كأبتك ..والغريبه انى مش كئيب قوى كده ..ولا حزين قوى كده
ومش على وهش هستيريا ولا جنون ...
انا بتأرجح بين العقل والجنون
بس التفائل هو عنوانى
بكره يوم جديد
بس الكتابه ..مش بكتب غير لما ببقى حزين علشان أفشى غلى فيها وأرجع للحياه متفائل سعيد
يعنى الخيال هنا بيبقى فصل فى روايه لازم يجى علشان النهايه السعيده تيجى وتدوم للأبد (وعاشوا فى تابت ونبات ).. ها ,
عارفه ..شعر التفائل اللى كتبتيه عندى ده بتاع هعيش
رائع وحركنى وحسيت انى عايز احضن الدنيا بايدى
متشكر قوى قوى
حاسس إنك روح طاهره قوى (عارفها ) ممكن مش جسد ..بس روح
وإلا ما كنتش اتكلمت معاها كده
ربنا يجازيكى كل خير
سلامى كتير
وأتمنى يدوم التواصل
وعايز أسمع حكايات بجد مش كتاب فاضى من غير سطور
وأقلب الصفحات ....برد هعيش
ها ها ها ها ها ها ها
(صدى صوت رهيب )
19 فبراير 2008 في 6:24 م
شهـــــرزاد يقول...
وعليكم السلام
نورت المدونة اللي لسه تحت الانشاء .
انا مش بخم احنا لسه بندهن الحيطان ومافرشناش المدونة انت اللي جيت علي المحارة :)
استني شوية لما نفرشها .. ويجعلوا عامر
اما بخصوص كلامك رائع كعادتك وانت م كأبتنى .. الكأبة ديه جزء مننا .
معاك في كل كلامك عدا كلمة واحدة
ومن بيخرج للدنيا من غير مخاض الألم
اه ..صحيح فى أمل
بس وهمى ... وساعات كتير بيبقى فى شق الألم.. يعنى مجرد تكت فى بضاعه معروفه انها سودا فى وسط بحور من السواد مغروسه
لا في امل وعمر كمان
لو مفيش امل يبقى اعيش ليه
لو معنديش امل استنى بكرة ليه
لو مات الامل يبقى وجودنا فايدته ايه
لا في امل ولو بصيص نور خافت بيرتعش لكن علشانه كلنا عايشين
ولو كان كتاباتك السيكوباتيك ديه مجرد فصل في رواية علشان تيجي النهاية السعيدة , فأوك ربنا يوفقك بس حاسب برضو ليطغى اللاوعي علي الوعي ونعيش نهلوس في الحقيقة والخيال.
تحيـــــــاتى
20 فبراير 2008 في 7:04 ص