1001 Nights

السلام عليكم
أنا مبهور .. ومنشكح
بعيد عن المدونات بتاعه الغم والاكتئاب
هبقى اجة هنا اخد قرصين تفائل على شويه ضحك وحبه فكاهه
ربنا يجازيك خير ع الغلابه اللى زينا
تحياتى كتير
والصور رائعه .. والجو ده اساسا ساحر
هو انتى وراكى مذاكره !! ولا فاضيه تحكى حكايات
جست فور كيدنج

وعليكم السلام
:)
لا والله انا اللي اكثر انشكاحا :D
بس ايه قرصين تفائل وحبة فكاهة ايه الكلام اللي ريحته سفلون ده :)
جزانا الله واياكم .. وانا من الغلابة اللي زيكم .. ليه مدونة سودا برضو تانية .. بس عملت ازدواج في الشخصية .. علشان اعادل حالتي النفسية
وانا مش وراية مذاكرة .. انا خلصت كا جي توت من زمان .. واخدت شهادة الهلاويس من وزارة التهييس بتقدير مهلوس عن استحقاق وجدارة والهدية صفارة :)

السلام عليكم
ممكن أخد لينك المدونه السودا
اصلى مش واخد ع الانشكاح ده كله
وبصراحه لازم اعمل بلانس .. لأنى دوقتى بقيت مستغربنى .. ومبروك التخرج
بس ياريت لو تدينى العنوان احول م الطب البهدله ده واخش كليه المتفائلين دول.. انتى اوفر وشيه على فكره
تحياتى كتير

اه صحيح
عاوز نسخه من كتاب الحياه عليه اوتجراف
وكمان سى دى من فيلم الحيه برده ومع صوره كده مع الممثلين وبطله الفيلم
*****
الجماهير والرعيه بطالب بتوضيح هويه سيادتك الرسميه .. الدخله دى مش اللى هيه .. تهيس ميه ميه

وعليكم السلام :)
لينك المدونة السودا انت فعليا دخلته بماوسك وسبت بصمة وكومنت .. عيب اديهولك دلوقت .. و العارف لا يعرف يا دوك .. وللجماهير والرعية .. سأبقى مجهولة الهوية .. وعلامة استفهام مائية .. للجالسين وراء الشاشات الكمبيوترية .. لابقى شبحا يجول في عالمه بحرية.

وميرسي علي الملحوظة اني افوورت شوية .. وهراعي ده في الكتابات الجاية.

بمشيئة الرحمن يلا سلااااااام

السلام عليكم
هههههههههههههه
وانا برده بقول النقطه دى مش غريبه عليا
تلميحك وصل يا أستاذه شهروزه
وانا اساسا ما أعرفشى حد بيشتق بالسرعه دى والتلقئيه دى والقافيه الموحده (ئيه ) ... (ات)
ع العموم متفرده دائما ومحلقه فى سماء الإبداع .. والاهم التفائل
وهو ده اللى شاحح اليومين دوول
اعذرى غبائى للمره الثانيه
ومستنى أى حاجه جديده سوا ف السودا اللى بتنش بقالهعا مده والرعيه اللى هناك هيعملوا اعتصام قريب
او هنا اللى الرعيه اصطفوا وحطوا رجل على رجل قرفصاء ورموا الأقلام واستنوا يسمعوا
ههههههههههههههه
خليكى أوفر ..على لفوووق
ربنا معاكى ..ممكن تلغى الحزن وتبددى القرف .. اللى شايط فى الكل
انا سيكوباتى ..طيب !!!
تحياتى كتير بجد .. فى البحار حكايات كتير عن أسماك تركوا الميه وبلبطوا ف اليابس
انتى واحده من الأسماك الأسطوريه دى

وعليكم السلام :)

أرفع القبعة .. وأهز الزعنفة .. وأدبح ضفدعة .. تقديرا منى ..
لصاحب الاحساس العالي .. والذكاء الغير عادي :)
منور يا فندم هنا او هناك .. وانتظر تحليق الاسماك بين الافلاك .

وكلنا سيكوباتيك ماتشلش في نفسك كدا انت مش ناقص :)
دُمت بكل خير وسعادة.

تحيـــاتى :)

السلام عليكم ورحمة الله وبركاته

ايه الجو الجامد دا
المدونة بجد وعن جدارة تستحق لقب رائعة
من اول الكلام اللى مكتوب فى البوستات والاسلوب والدماغ وابتكار الافكار والديزاين ولغاية الموسيقى الساحرة


وبعدين شفت المناورة الكلامية التعليقية
:D
اتأكد صدق احساسي ان الابداع دا كله لازم يكون عن حد ليه علاقة بالمدونات من قبل كده .. بس مش قادرة احدد مين عشان انا مش متابعة المدونات اوى .. كنت فى سبات عمييييق لسه فايقة منه دلوقتى .. تقدرى تقولى بيات شتوى
ههههههههههههههه


اصل انا جيت فى مرة كده من كام شهر
عملت نفس العملة
مدونة تانية
غير مدونتى
بنفس التفاؤل
ونفس الديزاين ياربى
وظبطتها
والناس علقت فيها
لغاية ما جه واحد اكتشف انا مين
قومت مسحتها
:D

ربنا يستر على مدونتك العسل دى ويخليهالك


ويزيدك تفاؤل وانشكاح وابداع


تحيه يا مولاتى شهرزاد


حدوتة
:)

السلام عليكم
أستطيع مساعدتكم فى تغيير شكل قالب المدونة وفقا لذوقك واختياراتك و ذلك بثلاثون جنيها فقط تدفع فى حسابى بالبريد المصرى بعد عمل التعديلات المطلوبة هذا ان وافقتم
فى حالة الموافقة يمكن مراسلتى على بريدى الاليكترونى
4xmisr@gmail.com
شكرا

فى انتظار ما سيحدث لشهر ذاد وكيف ستحكم البلاد
احييكى

من اقوى المدونات اللي دخلتها الحقيقه
فكرتها وشكلها واسلوبك في الكتابه بيدلو على انك شخصيه متفهمه ومستوعبه

بس عايز اقولك حاجه
في قلب الالم .. بيظهر أمل

لو فهمتي معنى كلامي ده .. انا متأكد انك هتقفلي مدونتك التانيه السودا وتكتفي بالمدونه دي

وعلى فكره .. مافيش اي مانع اننا نطلع مشاكلنا ونسخر منها او احزاننا .. ونقولها بضحك
الضحك ده سلاح رهيب
وانتي بجد .. بتعرفي تحاربي بالسلاح ده






سلاموووووووووووووز

اسلوبك فكاهي رائع
شكلك فكهاني وفاكهته غاليه
هههههههه

منتظرين بقية الحلقات بلهفه

تحياتي

هههههههه
لا حلو موضوع يوم زاد وشهرد زاد
استمرى يا بنتى حفظم الله

حدوتة الهاربة من دفتر حكايتي
منورة المدونة يا حياتي
وبكلماتك الرقيقة ملأتى بالفرح فؤادى
وما تقلقيش عليه انا عملت مباغتة وحطيت كل لينكات مدوناتى
وها انا اعجز عن الرد وقد فرت كلماتى .. ونضبت ابجدياتي .. وجف بئر مفرداتى .. ولك منى خالص تحياتي :)

4xmisr


شكرا عن الاعلان
بس انت جيت تبيع المية في حارة السقايين :D

تحيـــاتى

ايوية

اشكرا لك زيارتك الرقيقة ومتابعتك الجميلة

تحيــاتى

أوشة :)

انت اللي حلاونى وهلاوة اصلي .. ماستر بيس ;)

ميرسي يا قمر علي زيارتك ومتابعتك :)

سووووووو

رأيك ده شهادة اتعز بيها .. لانه من انسان مبدع محب للفن

واشكر قرون استشعارك اللي جابتك هنا :)

تحيــــــاتى

desert cat

ميرسي علي الزيارة .. حفظك الله .. ورزقكك بكل ما قلبك تمنـَاه :)

تحيــــــاتى

ماشاء الله المدونة فى منتهى الروعة

وأعتقد انى عارفه حضرتك تكونى مين

بس ده مجرد أعتقاد مش أكتر .

وأنا مستنيه ..مقالتك اللى هى ..

علشان أعلق عليها بكلماتى البسيطة دى

سندس